СВР Тетово поднесе кривична пријава против 45-годишниот Б.Ш. од Тетово поради основано сомнение дека сторил кривични дела „узурпација на недвижности“ и „бесправно градење“.
Според информациите од полицијата, во текот на 2025 година пријавениот во викенд-населбата Попова Шапка изградил објект од тврда градба на државно земјиште, без да поседува одобрение за градба издадено од надлежен орган.
Со ова, како што се наведува во пријавата, тој незаконски го зафатил земјиштето и извршил градежни активности спротивно на законските прописи.
