На 24 февруари 2026 година во 15:35 часот во Полициското одделение Теарце било пријавено дека при изведување ископ со работна машина – багер е пронајдена експлозивна направа.
Како што информира полицијата, гранатата била откриена на имот во сопственост на А.Н. од село Теарце, кој во моментот се наоѓал на привремена работа во Данска. Станува збор за стара и рѓосана експлозивна направа.
За случајот веднаш била известена Дирекцијата за заштита и спасување, чии екипи треба да ја подигнат и безбедно да ја отстранат гранатата.
Надлежните апелираат до граѓаните, доколку пронајдат вакви или слични сомнителни предмети, да не ги допираат и веднаш да ја известат полицијата.
