Министерството за внатрешни работи распиша централна и меѓународна потерница по лицето осомничено за тешка сообраќајна несреќа со смртни последици во Скопје, по што сторителот избегал од местото на настанот и ја напуштил државата.
Станува збор за Саитов Саит (18) од Скопје, син на Берти и Ганимете, кој се бара по налог на Основното јавно обвинителство Скопје. Потерницата е распишана за кривично дело „тешки дела против безбедноста на луѓето и имотот во сообраќајот“, предвидено и санкционирано со член 300 од Кривичниот законик.
Од МВР информираат дека осомничениот е недостапен за органите на прогонот и дека поради напуштање на територијата на државата е активирана и меѓународна соработка преку Интерпол, со цел негово лоцирање и приведување.
Истрагата за случајот е во тек, а надлежните институции најавуваат дека ќе преземат сите неопходни мерки за обезбедување на присуство на осомничениот пред лицето на правдата.
