Генералниот секретар на НАТО, Марк Руте, во вторник (3 март) ќе престојува во официјална посета на Република Северна Македонија, поради што во главниот град ќе биде воведен посебен режим на сообраќај.
Од СВР Скопје информираат дека Единицата за безбедност на патниот сообраќај ќе преземе мерки за регулирање на движењето во централното градско подрачје, со цел непречено и безбедно одвивање на активностите поврзани со посетата.
Во текот на денот се очекуваат повремени прекини и пренасочувања на сообраќајот на неколку улици во центарот на градот.
Полицијата апелира до сите учесници во сообраќајот да ги почитуваат насоките и наредбите што ќе ги даваат полициските службеници.
Целта, како што посочуваат од СВР Скопје, е безбедно одвивање на сообраќајот и навремено реализирање на протоколарните активности за време на посетата.
