Полициски службеници во тетовско лишиле од слобода 33-годишник кој бил баран со судска наредба за издржување затворска казна.
Како што информираат од полицијата, на 1 февруари околу 14:05 часот во селото Горно Седларце, припадници на Полициското одделение Камењане го привеле Е.Н. (33), жител на истото село. Тој бил баран по наредба од Основниот суд во Тетово за издржување казна затвор во траење од една година, изречена за кривично дело „тешка кражба“ согласно член 236 од Кривичниот законик.
По приведувањето, лицето било спроведено во Казнено – поправна установа Затвор Тетово, каде ќе ја издржува изречената казна.
Надлежните посочуваат дека ваквите акции продолжуваат со цел спроведување на судските одлуки и приведување на лица кои избегнуваат издржување на затворски казни.
