Регулаторната комисија за енергетика донесе нова одлука со која од 27 јануари 2026 година, од 00:01 часот, стапува на сила мало зголемување на цените на дел од нафтените деривати. Просечното зголемување изнесува 0,52 проценти во однос на претходната одлука.
Причина за корекцијата е растот на цените на светските пазари, кој најмногу се одрази кај дизел горивото, екстра лесното масло и мазутот, додека движењето на курсот на денарот кон доларот имало минимално влијание.
Со новата одлука, цените на бензините остануваат исти, додека дизелот поскапува за еден денар по литар. Покачување има и кај екстра лесното масло за домаќинство, како и кај мазутот, но во помал износ.
Од Регулаторната комисија посочуваат дека промените се резултат на актуелните пазарни движења и се во рамки на методологијата за пресметка на цените, која има за цел да ги следи реалните трошоци на увоз и трговија.
- ЕУРОСУПЕР БС-95 → 72,00 денари/литар
- ЕУРОСУПЕР БС-98 → 74,00 денари/литар
- ЕУРОДИЗЕЛ БС (Д-Е V) → 67,50 денари/литар
- Екстра лесно масло за домаќинство (ЕЛ-1) → 66,50 денари/литар
- Мазут М-1 НС → 33,099 денари/килограм
