Шефот на руската Дума, Вјачеслав Володин, упати сериозна порака до германските политички лидери, обвинувајќи ја сегашната влада на Берлин за создавање услови што можат да доведат до отворен конфликт меѓу двете земји.
„Не го сакаме тоа, но ако дојде до него – ќе бидеме подготвени“, рече Володин во писмо до лидерите на најголемите парламентарни партии во Германија, критикувајќи ја се поголемата поддршка на Берлин за Украина, вклучувајќи планови за производство на ракети на украинска територија.
Володин истакна дека ваквите потези претставуваат сè поотворена вмешаност на Германија во воените дејствија против Русија и потсети на Втората светска војна, предупредувајќи на можните последици.
Како дополнителна причина за незадоволство, го наведе изостанувањето на Советскиот Сојуз во говорот на германскиот канцелар Фридрих Мерц, кој за време на посетата на САД се заблагодари на Америка за ослободувањето од нацизмот, без да го спомне историскиот придонес на СССР.
„Советскиот Сојуз го победи фашизмот и го ослободи светот од кафеавата чума“, рече Володин, повикувајќи на признавање на историските факти. Ситуацијата доаѓа во период на зголемени тензии меѓу Русија и западните сили, со Германија сè појасно позиционирана како клучен поддржувач на Киев.
