Завршени се градежно-техничките работи за целосна санација на куполата на метеоролошкиот радар WSR-74 на Радарскиот центар Ѓуриште.
Со овој зафат се обезбедува продолжување на животниот век на системот за повеќе од една деценија, како и значително подобрување на квалитетот на податоците. Санацијата вклучи замена на оштетени панели, целосна заштита од сончево зрачење и атмосферски влијанија, антикорозивна заштита и подобрување на конструктивната стабилност.
Придобивки:
Попрецизни и побрзи податоци за врнежи и силни бури, што овозможува навремено предупредување.
Подобра заштита на критичната опрема од влага, ветер и екстремни временски услови.
Зголемена доверливост на системот за рано предупредување, со значење за цивилната заштита, земјоделието и водостопанството.
Унапредување на националниот капацитет за справување со климатските ризици и екстремните временски појави.
Овој проект претставува значаен чекор во модернизацијата и одржувањето на метеоролошката инфраструктура и во подобрувањето на оперативната стабилност на системите за следење и предупредување.
Извор:uhmr.gov.mk
