СВР Велес поднесе кривична пријава против 24-годишна жена од Велес, поради сомнение за сторено кривично дело „запуштање и малтретирање на дете“.
Според информациите од полицијата, на 1 февруари 2026 година жената се породила во ЈЗУ Општа болница Велес, по што доброволно го напуштила гинеколошкото одделение.
Како што се наведува во пријавата, таа со депониран потпис ја напуштила установата, оставајќи го новороденото бебе без родителска грижа.
Случајот веднаш бил пријавен, по што полицијата презела мерки за целосно документирање на настанот.
Против 24-годишната велешанка е поднесена кривична пријава за „запуштање и малтретирање на дете“, а предметот ќе биде доставен до надлежното обвинителство, кое ќе одлучува за понатамошните чекори.
Институциите посочуваат дека во вакви случаи се активираат и социјалните служби за згрижување и заштита на детето.
