Скопје повторно се најде на мапата на најзагадените градови во светот. Синоќа главниот град е рангиран на 19-то место, со измерени 147 US AQI, што според меѓународниот индекс значи дека воздухот е „нездрав за чувствителни групи“.
Концентрацијата на опасните ПМ2.5 честички е 10,9 пати над препорачаната годишна вредност на Светската здравствена организација (СЗО), што е сериозен аларм за здравјето на населението.
Здравствените препораки за граѓаните се јасни:
- да се избегнува физичка активност на отворено,
- прозорците да се држат затворени за да не влегува дополнителен загаден воздух,
- чувствителните категории да носат маска при излегување,
- да се користат прочистувачи на воздух во затворени простории.
Особено внимателни треба да бидат лицата со астма, хронични болести, постари лица, бремени жени и децата.
Граѓаните се повикуваат да ги следат препораките и да ги ограничат изложувањата, бидејќи ваквите нивоа на загадување можат да предизвикаат сериозни последици врз здравјето.
