Генералната директорка на Светската трговска организација (СТО), Нгози Окоњо-Ивеала, упати сериозен повик на САД и Кина да ги смируваат растечките трговски тензии. Таа предупреди дека ако продолжи сегашната динамика на конфликти, глобалниот бруто домашен производ (БДП) би можел да падне за дури седум проценти.
Во изјавата, Ивеала изрази загриженост за новиот бран напнатости помеѓу Вашингтон и Пекинг, истакнувајќи дека е веќе во контакт со официјалните претставници од двете страни за да поттикне дијалог и да спречи дополнително влошување на односите. „Секое заострување на односите помеѓу САД и Кина е причина за загриженост“, рече таа.
Таа потсети на неодамнешното повлекување на двете земји пред првата сериозна ескалација на тарифите, надевајќи се дека ќе успеат повторно да избегнат сериозни последици. „Комуникацијата помеѓу САД и Кина е клучна. Ако продолжат со разdвојувањето, последиците ќе бидат катастрофални не само за нив, туку и за целата планета“, додаде OИвеаа.
Според нејзините зборови, и двете економски суперсили се свесни за влијанието што го имаат на глобалната економија. Ако дојде до реално разделување и формирање на два трговски блока, глобалниот БДП би можел да претрпи значителни загуби, а земјите во развој би можеле да се соочат со двоцифрени загуби. Оваа ситуација бара итна акција и соработка за да се избегне економска катастрофа.
