Во доцните часови синоќа, канцеларијата на Левица во Аеродром стана цел на вандалски акт, за кој партијата тврди дека е дело на поддржувачи на ДПМНЕ. Според нив, нападот е доказ за стравот и безидејноста на опозицијата, која, како што велат, не знае да се справи со аргументи и се служи со насилство.
„Очигледно е: кога немаат аргументи, се служат со вандализам и заплашување. Но ако мислат дека со тоа ќе не заќутат, тропнале на погрешна врата“, изјавија од Левица. Членовите на партијата уверуваат дека остануваат непоколебливи во своите ставови и не се плашат од притисоци.
„Левица била, е и ќе остане непоколеблива против расипничките и штетни политики на ДПМНЕ. Ниту вандали, ниту притисоци, ништо нема да не одврати од борбата за доброто на народот“, додаваат тие. На крајот, со иронија, упатуваат критика кон напаѓачите: „П.С. Следен пат пратете барем писмени луѓе. ВМРО 2893???“
Оваа ситуација дополнително ја загрева политичката атмосфера во земјата, поставувајќи прашања за методите на политичка борба и за тоа како опозицијата реагира на критиките и предизвиците.
