Вечерва во 18:40 избувна пожар во фабриката Макпрогрес во Виница. Повеќе од два часа противпожарни екипи од Виница и Кочани се обидуваат да го изгаснат пожарот кој зафати еден погон во фабриката која се наоѓа на влезот од градот.
Во фабриката се произведува и познатиот бренд Винчини, а ова ќе биде дефинитивно огромен удар и за македонската економија ако се знае дека речиси целото производство во фабриката е наменето за извоз.
Од ЦУК наведуваат дека кон градот се тргнати и екипи од Струмица, Радовиш, Свети Николе и околните градови.
Засега нема информации за евентуални човечки жртви.
