Утре, на 5 април 2026 година, во Скопје ќе се одржи планинската трка „Водно-Матка Треилс 2026“, поради што ќе има привремени измени во сообраќајниот режим во утринските часови.
Според најавите, сообраќајот ќе биде целосно затворен во три временски интервали од по пет минути, и тоа од 07:00 до 07:05 часот, од 08:00 до 08:05 часот и од 09:00 до 09:05 часот.
Стартот и целта на трката се предвидени во комплексот „Македонско село“, а трасата ќе се движи по дел од јавниот пат кон селото Горно Нерези, во близина на џамијата, по што учесниците ќе продолжат по планинските патеки.
Од Министерството за внатрешни работи информираат дека ќе биде воспоставен посебен режим на сообраќај, при што возилата ќе се пренасочуваат по околните улици и патишта.
Надлежните апелираат до граѓаните да ги почитуваат упатствата и наредбите на полициските службеници, со цел непречено одвивање на настанот и зачувување на безбедноста на сите учесници во сообраќајот.
