Скопје, 1 март 2024 (МИА) – Градоначалничката на Скопје, Данела Арсовска, и амбасадорот на Франција, Сирил Бомгартнер, денеска на средба разговарале за досегашната соработка на Град Скопје и Француската амбасада и за можностите за нејзино интензивирање, како и за поголема соработка помеѓу Скопје и збратимените градови Рубе и Дижон.
-Градот Скопје и Амбасадата на Франција имаат одлична соработка во повеќе области, а во изминатата година градоначалничката Арсовска и амбасадорот Бомгартнер ја промовираа иницијативата за воспоставување партнерства за соработка и размена на наставен кадар, ученици и унапредување на педагошките практики помеѓу македонските и француските средни училишта, соопшти Град Скопје.
Во овој проект се вклучени средните училишта „Орце Николов“, „Васил Антевски Дрен“ и „Лазар Танев“. Целта на иницијативата е реализација на соработка и мобилност помеѓу француските и македонските образовни установи.
Во однос на соработката, Град Скопје напомнува дека има и голем број настани во текот на март, во рамки на одбележувањето на Месецот на Франкофонијата.
Од: Хатка Смаиловиќ Извор: МИА
