Луксембург започна пилот проект со два бесплатни автономни електрични шатл автобуса во градот Еш, кои се дел од проектот на националната железничка компанија (CFL). Оваа компанија служи како тестна платформа за иднината на паметната мобилност.
Во овој град, пуштени се во употреба два автономни, електрични шатл автобуса, кои се дел од градскиот превоз. Тие сообраќаат улиците на градот работните денови во периодот од 9 до 14 часот, на рута долга пет километри. Максималната брзина на движење им е 25 километри на час. Овие возила претставуваат дополнување на редовниот градски сообраќај.
Автобусите се опремени со сензори, ласери и уреди за детектирање на пречки на патот, поради што е упатена предупредба до граѓаните да не претрчуваат улица пред овие возила. Иако се без возач, прописите налагаат дека возач мора да биде присутен во возилото за случај на неочекувани ситуации.
Двата шатла поврзуваат железничката станица со универзитетот и средното училиште. Овие возила се наменети да ја дополнат, а не да ја заменат постојната мобилност.
