По секој почувствуван потрес, како вечерашниот што го вознемири Скопје и поголем дел од земјата, најчестото прашање кај граѓаните е – што точно треба да направиме ако повторно се случи земјотрес?
Стручните служби и препораките на Центар за управување со кризи апелираат: смиреноста и правилната реакција се клучни за безбедноста. Паниката е најголемиот ризик.
Еве практичен водич што секој треба да го знае.
Ако сте ВО затворен простор (дом, канцеларија, училиште)
Засолнете се веднаш
- легнете или клекнете под маса или цврст мебел
- заштитете ја главата и вратот со рацете
Оддалечете се од
- прозорци и стакло
- шкафови и полици
- тешки предмети што можат да паднат
- Не користете лифт
- Не трчајте по скали за време на тресењето
Останете внатре додека не престане потресот – најмногу повреди се случуваат токму при панично истрчување.
Ако сте НА отворено
Оддалечете се од:
- згради
- балкони
- бандери
- дрвја
- рекламни паноа
Застанете на чист, отворен простор и останете таму додека не престане тресењето.
Ако сте во автомобил
- Застанете на безбедно место
- Избегнувајте мостови, тунели и надвозници
- Останете во возилото додека не заврши потресот
Веднаш ПО земјотресот
- проверете дали има повредени
- исклучете гас и струја ако има оштетувања
- не палатe оган/свеќа (можно истекување гас)
- бидете подготвени за афтершокови
- следете официјални информации од институциите
Подгответе „итен ранец“ однапред
Експертите советуваат секое семејство да има:
- вода
- батериска ламба
- полнач/батерија
- прва помош
- лекови
- копии од документи
- ќебе
Ова може значително да помогне во првите часови по поголем земјотрес.
Најважно: без паника
Земјотресите не можат да се предвидат, но можеме да бидеме подготвени. Неколку секунди правилна реакција можат да спречат сериозни повреди.
Информирајте ги и најблиските – децата, постарите лица и родителите. Знаењето буквално спасува живот.
