Полициски службеници од СВР Скопје на 21 јануари 2026 година, во 10:25 часот, ја лишиле од слобода С.Е. (50) од Република Турција, со привремен престој во Скопје, поради сомнение за фалсификување исправа.
Според информациите од Министерството за внатрешни работи, пријавената при поднесување документација за одобрување привремен престој по основ на вработување во Одделението за странци приложила фалсификуван документ за неосудуваност.
По извршената проверка, било утврдено дека документот не е автентичен, по што странската државјанка била приведена и задржана во полициска станица.
По целосно документирање на случајот, против С.Е. ќе биде поднесена кривична пријава по член 378 од Кривичниот законик за кривично дело „фалсификување исправа“.
Од МВР информираат дека се преземаат сите законски мерки за расчистување на случајот и дека ваквите обиди за злоупотреба на постапките за престој и вработување нема да бидат толерирани.
