Во ноќта меѓу 13 и 14 февруари 2026 година, во периодот од 19:00 до 03:00 часот, полициски службеници од СВР Скопје спроведоа засилена акциска контрола на подрачјата на Центар и Бит Пазар, со цел одржување на стабилна безбедносна состојба во централното градско подрачје.
Во рамки на контролата биле:
- проверени 24 лица,
- извршен преглед на 17 лица,
- контролирани четири возила.
Притоа биле констатирани седум сообраќајни прекршоци, а поради сомнение за сторени кривични дела биле одземени две возила согласно членови 378 и 380 од Кривичниот законик.
Полицијата лишила од слобода две лица – С.С. и М.А., кои управувале патнички возила „мерцедес“ со скопски регистарски ознаки.
Против нив постои основано сомнение за сторени кривични дела според наведените членови од Кривичниот законик.
Во текот на акцијата бил констатиран и прекршок по член 80 од Законот за оружје.
Полициски службеници вршеле и превентивни обиколки:
- во парк во населбата Капиштец,
- во близина на угостителски објект на булевар Партизански одреди,
- кај игралиштето „Дрвен Град“, каде секојдневно се собираат малолетни лица.
Од полицијата информираат дека засилените акциски контроли ќе продолжат и во наредниот период, со цел зголемување на безбедноста и спречување на криминалот.
