Полициски службеници на Граничен премин Блато привеле 33-годишен државјанин на Албанија, осомничен за обид за поткуп на службено лице при гранична контрола.
Настанот се случил на 10 февруари околу 20:25 часот, кога при пасошка проверка при излез од државата, патникот во својата патна исправа ставил пари и го известил полицискиот службеник, со намера да влијае врз службената постапка.
Според информациите од МВР, со ваквото однесување тој сторил кривично дело „давање поткуп“, казниво по член 358 од Кривичниот законик.
Лицето било лишено од слобода и задржано во Полициска станица Дебар, каде што по целосно документирање на случајот ќе биде поднесена соодветна кривична пријава.
Од полицијата потсетуваат дека секој обид за поткуп на службено лице претставува сериозно кривично дело и се санкционира согласно закон.
