СВР Тетово поднесе кривична пријава против 46-годишен жител од Тетово под сомнение за измама поврзана со изнајмено возило.
Според информациите од Министерството за внатрешни работи, осомничениот на 8 јануари годинава изнајмил патничко возило од рент-а-кар компанија со седиште во Скопје, со обврска истото да го врати во рок од три дена.
Наместо да ја исполни договорената обврска, лицето, како што се сомнева полицијата, возилото го продал на трето лице, со што ја оштетил компанијата сопственик на автомобилот.
По преземените мерки и собраните докази, против него е поднесена кривична пријава за сторено кривично дело „измама“, а случајот понатаму ќе го процесуира надлежното обвинителство.
▶ Случајно видео
Пробај ја и оваа алатка:
