Македонскиот театарски, филмски и телевизиски актер Кирил Поп Христов – Кили почина на 58-годишна возраст.
Според информациите, актерот починал во Еквадор, каде што живееше подолг период. Тој се пресели таму во 2014 година.
Кирил Поп Христов дипломирал на Факултет за драмски уметности – Скопје, на отсекот Актерска игра, во класата на професорот Љубиша Георгиевски во 1989 година.
Од 1993 година бил дел од ансамблот на Македонски народен театар во Скопје, каде оствари бројни театарски улоги.
Публиката ќе го памети по неговите впечатливи улоги во повеќе филмови и телевизиски проекти, меѓу кои: Тетовирање, Македонска сага, Пикасо, Трст виа Скопје, Бал-кан-кан, Панкот не е мртов, Во светот на бајките…
Со својот талент и препознатлив актерски израз, Кили остави силна трага во македонскиот театар, филм и телевизија.
Кирил Поп Христов е роден на 30 јули 1967 година во Скопје.
Неговата смрт претставува загуба за македонската културна сцена и за публиката која со години ги следеше неговите улоги.
