Шеесет и шестгодишен жител на Гостивар бил лишен од слобода денеска на Меѓународниот аеродром Скопје, откако бил баран со меѓународна потерница за издржување затворска казна во траење од осум години.
Како што информираат од полицијата, акцијата била спроведена денеска, 22 април 2026 година, околу 14 часот, од страна на полициски службеници од Секторот за меѓународна полициска соработка – Отсек за потраги.
Станува збор за Ѓ.Ѓ. (66) од Гостивар, кој бил баран поради сторено кривично дело по член 237 став 4, во врска со член 45 од Кривичниот законик.
По приведувањето, лицето било спроведено во КПУ „Идризово“ за издржување на затворската казна.
