До Собранието пристигнаа околу десет кандидатури за јавниот оглас за претседател на Државната комисија за спречување на корупција (ДКСК), кој завршува денеска. Претседателот на собраниската Комисија за прашања на избори и именувања, Ѓорѓија Сајкоски, изјави за МИА дека конечниот број ќе се знае в понеделник, по приемот на кандидатурите пратени по пошта.
Процедурата за избор ќе продолжи по 3 ноември, односно по завршувањето на локалните избори. Комисијата за прашања на изборите веќе формираше седумчлена селекциска комисија, составена од претставници на граѓанскиот сектор и пратеници од различни политички партии.
Јавниот оглас следи по оставката на поранешната претседателка Татјана Димитровска, која е обвинета за оддавање службена тајна и компјутерски фалсификат во случајот „Адитив“.
