Во четвртото тримесечје од 2025 година најголема побарувачка за работници имало во услужните дејности и продажбата, покажуваат најновите податоци за слободни работни места.
Стапката на слободни работни места во овој период изнесува 2,14 проценти, а најголем број слободни позиции – 2.387 работни места – се регистрирани во петтата група занимања: работници во услужни дејности и продажба.
Според регионалната распределба, Пелагонискиот регион има највисока стапка на слободни работни места, која изнесува 2,49 проценти.
Ова укажува на зголемена потреба од работна сила во овој дел од земјата.
Гледано по сектори, највисока стапка на слободни работни места – 4,39 проценти – е регистрирана во секторот „Објекти за сместување и сервисни дејности со храна“, односно во угостителството и туризмот.
Од друга страна, најниска стапка – само 0,09 проценти – има секторот „Снабдување со електрична енергија, гас, пареа и климатизација“.
Анализата покажува дека деловните субјекти со 10 до 49 вработени имаат највисока стапка на слободни работни места – 2,64 проценти, што укажува дека токму средните компании имаат најголема потреба од нови работници.
Извор: Државен Завод за статистика
