Полициски службеници од Полициската станица Македонски Брод при Министерство за внатрешни работи на Македонија го лишиле од слобода 31-годишниот З.Х. од Република Албанија, поради сомнение за сторено кривично дело „давање поткуп“.
Според информациите, на 13 февруари околу 13:50 часот на улицата „Маршал Тито“ во Македонски Брод, при сообраќајна контрола било запрено товарно возило „Ман“ со албански национални ознаки.
При контролата, возачот во патната исправа која ја дал на увид ставил пари, со што, според полицијата, се обидел да изврши поткуп на службените лица.
За случајот веднаш бил известен јавен обвинител, а осомничениот бил приведен и задржан во полициска станица.
По целосно документирање на настанот, против него ќе биде поднесена соодветна кривична пријава.
Од полицијата потенцираат дека обидите за поткуп на службени лица ќе бидат санкционирани согласно закон.
