Во сообраќајна несреќа што се случила во Битола, тешко е повреден 42-годишен пешак, а малолетен возач е лишен од слобода.
Според информациите од СВР Битола, на 13 февруари 2026 година околу 18:35 часот било пријавено дека на улицата „Козјак“ во Битола, 17-годишник од Битола, управувајќи патничко возило „даеву тико“ со битолски регистарски ознаки, удрил во пешакот Е.К.(42), исто така од Битола.
Во несреќата, 42-годишниот пешак се здобил со тешки телесни повреди, кои биле констатирани во Клиничка болница Битола.
На местото на настанот извршен е увид од увидна екипа на СВР Битола, по што биле преземени дополнителни проверки.
При контролата било утврдено дека 17-годишникот управувал со возилото пред да се стекне со право на управување со моторно возило, односно без положен возачки испит.
Не пропуштајте
По насоки од јавен обвинител, тој бил лишен од слобода, а возилото е одземено.
По целосно документирање на случајот, против малолетникот ќе биде поднесена соодветна пријава.
Полицијата апелира до граѓаните и родителите на малолетници да не дозволуваат управување со возила без соодветна дозвола, со цел да се избегнат вакви сериозни последици.
