Вчера, Општина Карпош беше претставена на меѓународната конференција „Проект Скопје 2026: Култура, урбани политики и одржливи европски градови“, која се одржа во хотелот Александар Палас. На настанот присуствуваа претставници од локалната самоуправа, предводени од претседателот на Советот, Христо Саракинов.
Конференцијата, организирана од Град Скопје во соработка со Европската Унија и УНДП, имаше за цел да ја презентира визијата и идентитетот на нашиот главен град пред европските институции и партнери. Оваа прва официјална меѓународна презентација е значајна во пресрет на големиот настан „Скопје – Европска претстолнина на културата“ во 2028 година.
Настанот беше структурирано во форма на Форум за стратешки политики, кој истражуваше како Европската престолнина на културата може да служи како катализатор за одржлив урбан развој. Конференцијата вклучуваше три панел-дискусии, каде што учесниците имаа можност да дискутираат за различни аспекти на културата и урбаните политики.
На првиот панел беше претставена официјалната презентација на Европската престолнина на културата, додека вториот панел се фокусираше на долгорочната трансформација на градот преку културни иницијативи. Третата дискусија беше посветена на интерактивни работилници, каде учесниците активно учествуваа во креирањето на визијата за урбаниот развој на Скопје.
Главната цел на овие сесии беше да се создаде отворен простор за размислување и размена на идеи, каде што учесниците можат да ги изложат своите предлози и решенија за иднината на градот. Резултатите од денешната конференција ќе послужат како основа за долгорочната стратегија на Скопје, што ја прави оваа средба клучна за развојот на градот во наредните години.
