Скопје, 17 септември 2024 (МИА) – Во организација на Фондацијата за развој на локалната заедница од Штип, а во рамките на проектот „Направи разлика“ финансиски поддржан од Агенцијата на САД за меѓународен развој (УСАИД), денеска во Градски парк во Виница свечено ќе биде отворено игралиште за кошарка и фитнес.
На настанот ќе се обратат градоначалникот на општина Виница Миле Петков, директорот на Канцеларија за демократија и добро владеење на УСАИД Марк Елингстад, како и извршниот директор на Фондација за развој на локалната заедница Невенка Лонгурова Гирова.
Според најавата потоа во Винчини Развоен центар – Прогресив Академија „Форум за млади“ ќе бидат презентирани постигнатите резултати од втората година од реализација на проектот.
-Форумот има за цел да опфати поголем број млади кои сакаат активно да се вклучат во креирањето на подобра иднина за сите и за нашите идни генерации. Фокусот е насочен кон создавање услови за ефективно учество во донесување и имплементирање на предлози и одлуки, решавање на тековни предизвици и проблеми, предлагање иницијативи и заедничка стратешка работа за успешно решавање и реализација, се наведува во соопштението од Фондацијата за развој на локалната заедница од Штип.
Од Даниела Маркоска-Алексовска Извор МИА
