Денеска (18.07.2023) полициски службеници од ОВР Свети Николе, при СВР Штип, реализираа превентивна активност под мотото „Вози одговорно стави појас“. Превентивната активност беше реализирана на неколку патни правци во и околу Свети Николе, при што полициските службеници преку непосреден контакт со учесниците во сообраќајот укажуваа на обврската за носење на сигурносен појас при патување. Исто така беше укажано и на казнените одредби кои следуваат за непочитување на оваа законска одредба. Полициските службеници ја потенцираа низ практични искуства и значајната заштитна улога што ја има сигурносниот појас при случена евентуална сообраќајна незгода. Покрај ова беше поделен и едукативен печатен материјал изработен во соработка со РСБСП а се со цел зголемување на свеста кај учесниците во сообраќајот како и подобрување на личната но и безбедноста на сите учесници во сообраќајот.
Денеска и полициски службеници од ОВР Делчево, на повеќе локации во градот, реализираа две превентивни активности од областа на сообраќајот а под мотото – „Вози одговорно – стави појас“ и “Сите ние сме пешаци“. Целта на кампањата беше да се зголеми севкупната безбедност во сообраќајот при што на граѓаните пешаци како и на учесниците во сообраќајот им беа поделени едукативни летоци со информативни содржина околу важноста на почитувањето на сообраќајните правила и прописи.
Напоредно со ова и ОВР Виница, односно полициски службеници од ПС ОН Виница и ПО за БПС Виница реализираа едукативна активност поврзано со заолжителното носење на сигурносен појас при возење. Притоа на најфрекфентните улици во Виница на учесниците во сообраќај, возачите и нивните сопатници им беше укажувано за важноста по личната и колективната сообраќајна безбедност од користењето на појас при управување и превезување во моторните возила, при што им беа делени и печатени материјали со едукативна содржина изработени со поддршка од РСБСП.
