Поради дефект на водоводната мрежа, денеска дел од централното градско подрачје ќе остане без вода.
Од ЈП Водовод и канализација – Скопје информираат дека станува збор за уличен дефект на цевка со пречник Ф-80 мм на улицата Св. Кирил и Методиј број 48.
Поради интервенцијата, прекин во водоснабдувањето ќе имаат дел од оваа улица, како и дел од Димитрие Чуповски, вклучително и ЈЗУ Здравствен дом Железничар.
Водата ќе биде исклучена од 08:30 часот и ќе се врати по завршување на санацијата.
Од претпријатието апелираат граѓаните навреме да обезбедат резерви со вода до нормализирање на состојбата.
