Осуденик кој бил во бегство од затворската установа КПУ Затвор Штип денеска беше приведен од полицијата и повторно спроведен на издржување на казната.
Како што информираат од Министерство за внатрешни работи на Република Северна Македонија, околу 10:00 часот полициски службеници од Секторот за меѓународна полициска соработка го лишиле од слобода Р.П. (49) од Велес.
Тој бил баран со потерница врз основа на судска наредба, откако избегал од издржување на затворска казна. Осуден е на осум години затвор за сторено кривично дело предвидено во член 191 од Кривичниот законик.
По апсењето, лицето е спроведено во затворот во Штип, каде ќе го доиздржи остатокот од казната.
▶ Случајно видео
Пробај ја и оваа алатка:
