Во текот на март 2026 година, системот „Безбеден град“ регистрирал вкупно 26.241 сообраќаен прекршок на подрачјата каде се поставени камери, како и на главните коридори низ државата.
Најголем дел од прекршоците се однесуваат на пречекорување на дозволената брзина, при што се евидентирани дури 25.230 случаи.
Од друга страна, бројот на прекршоци за минување на црвено светло изнесува 70, што претставува значително намалување од 68,2 проценти во однос на февруари.
Дополнително, во текот на месецот биле регистрирани и 941 прекршок за управување возило со истечена сообраќајна дозвола.
Во март биле изречени вкупно 544 мерки забрана за управување со возило, што е намалување од 16,7 проценти во споредба со претходниот месец.
Од нив:
- 70 мерки се за минување на црвено светло
- 474 се за брзо возење
Кај прекршоците за брзина:
- 362 се за над 80 км/ч во населено место
- 70 за надминување на ограничувањето поставено за возилото
- 42 за возење над 170 км/ч во ненаселено место
Надлежните апелираат до сите учесници во сообраќајот да ги почитуваат правилата и прописите, со цел да се зголеми безбедноста на патиштата и да се намали бројот на сообраќајни незгоди.
