Денеска времето ќе биде претежно облачно и нестабилно, со повремени врнежи од дожд во пониските, а снег на планините. Според најавите, пообилни врнежи се очекуваат во југоисточните делови од државата, каде локално може да наврнат и над 20 литри на метар квадратен.
Во текот на денот, поради продор на постудена воздушна маса од север, дождот постепено ќе преминува во снег на повисоките места, а не е исклучена појава на снег и во некои пониски подрачја. Ќе дува слаб до умерен ветер од променлив правец, што дополнително ќе го засили чувството на студ.
Утринските температури ќе се движат меѓу 1 и 7 степени, додека дневните ќе достигнат само 3 до 8 степени, што значи значително постудено време во однос на претходните денови.
Во Скопје ќе преовладува облачно време со повремен дожд. Минималната температура ќе се спушти до околу 5 степени, а максималната ќе достигне до 7 степени.
Во понеделник локално ќе има услови за слаби врнежи од дожд и снег, по што следуваат два дена со променливо облачно време и сончеви периоди. Од вторник се очекува постепен пораст на дневните температури, но нов бран врнежи од дожд, а на планините од снег, повторно се најавува кон крајот на неделата, во четврток и петок.
Возачите се советуваат на внимателно управување, особено во планинските предели и во утринските часови кога се можни лизгави коловози.
