Сообраќајот на државните патишта утринава се одвива во зимски услови и по влажни коловози, информира Авто-мото сојуз на Македонија (АМСМ).
На планинските предели се бележат врнежи од снег. На Попова Шапка паѓа снег со среден интензитет, но засега не претставува пречка за сообраќајот. На планинскиот превој Пресека има слаби врнежи од дожд и снег, односно лапавица.
Дополнителна претпазливост е потребна на патниот правец Тетово – Скопје, каде поради магла видливоста е намалена до околу 100 метри.
И покрај временските услови, сите патни правци низ државата се проодни, а интензитетот на сообраќај надвор од градските средини е умерен. На граничните премини нема подолги задржувања.
АМСМ потсетува дека до 15 март е во сила законската обврска за зимска опрема во возилата, без оглед на временските услови.
Возачите се повикуваат на внимателно управување, особено низ клисури и долини каде има можност од одрони, меѓу кои:
- Катланово – Велес
- Маврово – Дебар – Струга
- Виница – Берово
- Кочани – Делчево
Во тек се повеќе инфраструктурни зафати низ земјата:
- Прилеп – Битола (Коридор 10Д) – пренасочување по регионалниот пат
- Скопска обиколница (А2) – затворена левата лента поради рехабилитација
- Крива Паланка – Страцин – рачна регулација дење, семафори ноќе
- Косоврасти – Мелнички Мост – санација на свлечиште
- Гостивар – Стража – времен режим поради реконструкција на мостот Здуње
Можно е повремено забавување на сообраќајот на овие делници.
