Во ексклузивното интервју кое Тома Савиќ, поранешен директор во Застава, го даде за Македонија Денес зборува и за НАТО бомбардирањето во Србија, поточно во Крагујевац.
Зборувајќи за тоа дали било тешко да се работи во Застава, тој се осврнува и на 90-те години и бомбардирањето на СР Југославија.
„Ситуацијата драматично се влоши по воведувањето на безпричинските санкции од ОН во мај 1992 година, кога сите набавки надвор од Србија, но и целиот извоз на автомобили беа забранети. Треба да се спомне, она што малку денес се знае, дека сепак постоеа одредени канали преку тогашна Република Македонија, не само за увоз на делови и потребните материјали туку и за продажба на автомобили. Посредниците, секако имаа своја провизија што го поскапуваше производството, но друг избор немаше. Тешко беше и во 1992 и 1993 година кога во Србија, поради споменатите околности, санкциите, настана огромна, до тогаш во светот непозната инфлација која додатно ги обезбреди сите фондови на Застава, но и населението.“ изјави Савиќ.
Тој додава дека најтешко било во 1999 година гледајќи како се разрушуваат фабриките.
„Најтешко беше во 1999 година гледајќи како ни се разрушуваат фабриките и уништува понатамошната егзистенција, но и самите животи поради НАТО агресијата т.е. бомбардирањето. Претставници на НАТО пактот тогаш се правдаа дека ја разрушија крагуевачката фабрика за автомобили поради тоа што таму наводно се произведувале тенкови. После сите тие настани Застава никогаш повеќе не се опорави, а ниту беше тоа што беше во текот на рекордната година (1989-90) како во поглед на производството така и во продажбата и извозот.“ додава Савиќ.
Целосното интервју можете да го прочитате ТУКА.
