spot_img

Манчестер сити и Интер со најмногу играчи на ЕВРО2024

Берлин, 11 јуни 2024 (МИА) – Најмногу играчи на претстојното Европско фудбалско првенство ќе имаат Манчестер Сити и Интер, по 13 фудбалери.Од англискиот првак Манчестер...
spot_imgspot_img
ПочетнаМагазинАвтомобилизамНајгрдиот автомобил на светот, според „златниот пресек“

Најгрдиот автомобил на светот, според „златниот пресек“

Лондон, 6 јyни 2024 (МИА) – Компанијата „Ванарама“ од Велика Британија спроведе истражување, па со помош на математиката, науката и древниот „златен пресек“ се обиде да открие кој е најгрдиот автомобил на светот.

Истражувањето ги анализирало пропорциите на 50 модели на автомобили, земајќи ги предвид димензиите како меѓуосно растојание, должина и др., како и клучните карактеристики на дизајнот – на пр. положбата на светлата, знаците. Секој автомобил бил оценет од 1 до 100 поени според два клучни дизајнерски фактори – вкупните димензии на возилото и визуелната пропорција, во однос на тоа како облиците се перцепираат со голо око.

„Златниот пресек“ го посочува односот што човековите очи го препознаваат како најхармоничен. Така, највисоки оценки добија моделите што се најблиску до златниот сооднос.

Од друга страна, пак, „Киа пиканто“ освоил само седум поени (од 100), бидејќи, според луѓето кои ги анализирале резултатите од истражувањето, тој е најоддалечен од златниот пресек и затоа е „најмалку пријатен“ за човечкото око.

Податоците за продажбата, сепак, кажуваат поинаку…

На второто место е „Ситроен Ц-1“ со 12 поени, а трета е „Киа спортејџ“ со собрани само 15 поени.

Според овие критериуми на убавина на возилата, брендот „Киа“ има најлоши просечни оценки. Автомобилите од јужнокорејскиот производител имаат, во просек, 11 поени во ова истражување, „Ленд ровер“ е втор со просечни 18 поени, а трет е „Фиат“ со просек од 22 поени.

На другата страна на листата, „Ауди А-3“, „Фолксваген голф“ и „Опел мока“ се најубави возила.

Од Слободан Иванов Извор МИА

Придружете се на Вибер каналот на Македонија Денес. Притиснете ТУКА.
spot_img
spot_img