Според утринските информации од 06:00 часот, сообраќајот на државните патишта во земјава се одвива претежно непречено, но по влажни коловози, а на одредени делници има отежнати услови поради одрони и намалена видливост.
На регионалниот пат Берово – Струмица (Р-1302), кај селото Ратево, поради поголем одрон сообраќајот е пренасочен по времена девијација во должина од околу 50 метри. Возачите да возат внимателно и да ја следат сигнализацијата.
Од АМСМ информираат дека намалена видливост поради магла до 70 метри има на делницата Тетово – Гостивар.
Сообраќајот надвор од градовите е со умерен интензитет. На граничните премини нема подолги задржувања за патнички возила и автобуси
Поради можни одрони потребно е прилагодување на брзината и дополнителна претпазливост на патните правци: Катланово – Велес, Маврово – Дебар – Струга, Виница – Берово и Кочани – Делчево.
Патниот правец Охрид – Ресен преку НП Галичица е затворен за сообраќај до 31 март.
Поради активни работи на патиштата, пренасочување и посебен режим на сообраќај има на:
- Коридор 10 (Прилеп – Битола) – сообраќајот се пренасочува по регионалниот пат Р1101
- Скопска обиколница (А2) – рехабилитација кај Волково – Кондово, затворена лента за претекнување
- Крива Паланка – Страцин – рачна регулација од 07:00 до 17:00, семафори навечер
- Косоврасти – Мелнички Мост (Р1202) – санација на свлечиште со времен режим
- Гостивар – Стража (мост Здуње) – наизменично пропуштање со семафори
- Прилеп – Битола (Лагово – Тополчани) – времен режим поради изградба на Коридор 10Д
Надлежните препорачуваат намалување на брзината, почитување на сигнализацијата како и внимателно возење во клисури и планински делници.
