ОВР Кочани поднесе кривична пријава против В.С. (43) од Кочани поради постоење основи на сомнение дека сторил кривично дело „затајување“.
Според информациите од полицијата, на 1 јули 2025 година пријавениот, кој бил вработен во подружница на казино во Кочани, од благајната одзел пари во износ од 332.330 денари и ги присвоил за себе.
Со ваквото дејствие, како што наведуваат од МВР, тој го оштетил правното лице за наведениот износ.
По целосно документирање на случајот, против него е поднесена соодветна кривична пријава до надлежното обвинителство.
