Триесетгодишен државјанин на Грција бил лишен од слобода на Граничниот премин Табановце, откако при контрола на неговото возило биле пронајдени пиротехнички средства.
Како што информира полицијата, случајот се случил на 10 мај 2026 година во 09:05 часот, на влез во државата, кога полициски службеници извршиле гранична контрола и преглед на патничко возило со грчки национални ознаки, управувано од С.Д. (30) од Република Грција.
При прегледот биле пронајдени и одземени пиротехнички средства, по што лицето било лишено од слобода.
Тој е предаден на полициски службеници од СВР Куманово за понатамошна постапка.
