Шеснаесетгодишно девојче од Скопје било жртва на разбојништво на подрачјето на Чаир, откако неколку малолетници со закана со остар предмет ѝ одзеле пари и ѝ упатиле дополнителни закани.
Како што информира полицијата, случајот бил пријавен на 17 мај 2026 година во 19:30 часот во СВР Скопје, од страна на Ф.М. (40) од Скопје, татко на малолетничката.
Според пријавеното, на 7 мај 2026 година околу 08 часот, на подрачјето на Чаир, неколку малолетници со закана со остар предмет ѝ одзеле пари на неговата 16-годишна ќерка. Како што се наведува, тие ѝ се заканувале дека и во наредните денови повторно ќе треба да им дава пари.
Од МВР велат дека се преземаат мерки за расчистување на случајот.
