Надворешна канцеларија за криминалистички работи Делчево поднела кривична пријава против Б.Р. (60) од Делчево, поради основано сомнение за сторени кривични дела „загрозување со опасно орудие при тепачка или караница“ и „загрозување на сигурноста“.
Според пријавата, инцидентот се случил на 6 декември 2025 година во семеен дом во Делчево, кога по кратка расправија, осомничениот, под дејство на алкохол, со нож упатувал закани кон родителите на жената со која живеел.
Од надлежните институции информираат дека случајот е документиран и дека против осомничениот е поднесена соодветна кривична пријава, а се преземаат и понатамошни мерки во рамки на законските процедури.
