Македонско друштво “Илинден” во Тирана повторно го упати барање на Македонците за форимирање на Општина Голо Брдо и општина Гора.
Десет години по територијалната поделба направено 2014 година во областите Голо Брдо и Гора каде живее припадниците на Македонската заедница во Албанија се’ уште се неразвиени.
Во 2014 година, општините Требиште, Острени и Стеблево во областа Голо Брдо беа укинати, за да се приклучат кон општините Булќиза и Либражд, а општините Шиштеец и Запот во областа Гора беа припоени кон Општина Кукс.
Македонците во областите Голо Брдо и Гора сметаат дека, укинувањето на општините е чекор назад во почитувањето на правата на националните малцинства во Република Албанија.
Македонско друштво “Илинден” во Тирана повторно упати барање до Владата на Албанија да предложи измени на Законот за локална самоуправа со цел создавање две нови општини: Општина Голо Брдо и Општина Гора.
Македонското друштво “Илинден” во Тирана смета дека овој демократски процес ќе ја зголеми довербата на граѓаните во системот и ќе овозможи поефикасно решавање на проблемите во областите Голо Брдо и Гора и ќе ги подобрите условите за живот и работа на Македонците во овие области односно општини!
