Македонската заедница во Канада и годинава ќе има можност да ужива во богатата традиција, музика и кујна преку Македонскиот културен фестивал – МАКФЕСТ 2026, кој ќе се одржи на 5, 6 и 7 јуни 2026 година во Торонто.
Фестивалот е во организација на Македонската православна црковна општина „Свети Климент Охридски“ во Торонто, а ќе се одржи на адреса 76 Overlea Boulevard.
Организаторите најавуваат тридневна програма исполнета со жива музика, традиционални македонски јадења, народни танци и дружење, со цел да се промовира и прослави македонската култура пред македонската дијаспора, но и пред пошироката канадска публика.
Главен спонзор на годинашното издание на МАКФЕСТ е Fino Fine Foods, а според организаторите, ова партнерство претставува симбол на заедништво, гордост и заедничка промоција на најдоброто од македонската традиција.
Влезот и паркингот за сите посетители ќе бидат бесплатни.
Од организаторите упатуваат покана до сите Македонци, нивните пријатели, како и до граѓаните на Торонто, да бидат дел од фестивалот и да уживаат во тридневната културна програма.
