Игор Југ, еден од осудените за случајот “27 април” и упадот во Собранието, почина денес на 54-годишна возраст. Тој издржуваше 12-годишна затворска казна, од кои последните осум ги помина зад решетки. Поради влошената здравствена состојба беше на прекин од издржување на казната.
Повеќето од медиумите веќе објавија дека Игор Југ побарал повторување на судскиот процес за настаните од “27 април”, меѓутоа од Кривичниот суд ја демантираат оваа вест.
– Заради повеќе медиумски објави како и новинарски прашања кои утрово беа доставени во судот, ја информираме јавноста дека: Во однос на лицето Игор Југ, кој е правосилно осуден во предметот со КОК .бр. 40/18 за настаните кои се случија во Собранието на РСМ од правосилноста на пресудата, па се до овој момент, до Кривичниот совет на Основниот кривичен суд Скопје НЕ е доставено било какво барање од осудениот или неговиот бранител за повторување на постапката, стои во објавата од судот.
Роднини, пријатели и познаници се простуваат од него на своите фб профили.
