Седумдесет и четиригодишен државјанин на Германија бил лишен од слобода на Граничниот премин Табановце, откако при гранична контрола во возило во кое се превезувал како сопатник била пронајдена марихуана.
Според информациите од полицијата, случајот се случил на 13 април 2026 година во 10:50 часот, на влез во државата, кога полициски службеници извршиле контрола на патничко возило „рено“ со германски национални ознаки.
При проверката, во задниот дел од возилото била пронајдена и одземена марихуана. Во службен разговор, Р.Г. (74) изјавил дека дрогата е негова.
По наредба на јавен обвинител, тој бил лишен од слобода, а по целосното документирање на случајот против него ќе следува соодветна пријава.
▶ Случајно видео
Пробај ја и оваа алатка:
