Во СВР Скопје бил пријавен инцидент што се случил во трговски центар на подрачјето на општина Аеродром, при што 16-годишен малолетник бил физички нападнат од врсник, а потоа бил нападнат и 25-годишен скопјанец кој се обидел да му помогне.
Како што информира полицијата, на 17 мај 2026 година во 13:50 часот, М.Б. (36) од Скопје пријавила дека претходната вечер, на 16 мај околу 22:30 часот, пред продажно место во трговски центар во Аеродром, нејзиниот 16-годишен син бил физички нападнат од друг 16-годишен малолетник, кој употребил и тврд предмет.
Според пријавеното, по нападот врз малолетникот, напаѓачот физички го нападнал и М.Д. (25) од Скопје, кој се обидел да го одбрани.
Во меѓувреме, на 17 мај 2026 година во 11:45 часот, и самиот М.Д. во СВР Скопје пријавил дека бил нападнат во трговскиот центар додека бранел друг малолетник.
За случајот е известен јавен обвинител за малолетници, а полицијата презема мерки за негово целосно расчистување.
