Полицијата во Берово поднесе кривична пријава против 56-годишен жител на градот поради сомнение за ширење на расистички и ксенофобичен материјал преку социјални мрежи.
Според информациите, станува збор за лицето Г.К. (56), кој во периодот од 20 септември до 18 декември 2025 година, користејќи мобилен телефон, на социјална мрежа објавил и споделил вкупно 25 објави и коментари, како и четири видеа со содржини што промовирале или поттикнувале омраза.
Кривичната пријава е поднесена од страна на Надворешната канцеларија за криминалистички работи Берово, поради постоење основи на сомнение за сторено кривично дело „ширење на расистички и ксенофобичен материјал по пат на компјутерски систем“.
Надлежните институции преземаат понатамошни мерки за целосно расчистување на случајот.
