Ако досега мислевте дека боите и четката се единствените сродни души на платното со кои тоа оживува, во роденденската приказна на Никола Ристов – големиот македонски уметник за торти, тоа не е така. Имено, Никола е сопственик на познатата струмичка слаткарница “Канела” која важи за една од најпрефинетите во Македонија а доказ за тоа е и ова шеќерно ремек – дело со кое тој вчера го прослави својот роденден. Роденденската торта е поставена на уметнички штафелај и соодветно “врамена” во златна шеќерна рамка. Иако тортата изгледа несекојдневна, сепак веруваме дека е еднакво вкусна како и останатите. Повеќе од сигурни сме дека додека ја гледате сликата, прво ќе сакате да му се воодушевите на ова фрапантно дело а дури подоцна и да го пробате.
“Животот е ненасликано платно, чекајќи храбар потег на бои, што ќе му даде смисла. Секој ден е нова нијанса, секој избор – потег на четка, секоја “грешка” – само експресивна текстура што му додава длабочина на делото.
Не верувам во рамки, освен ако не ги разбиеме и создадеме нешто подиво, посмело, поавтентично… Уметноста не е само тоа што го гледаме, туку она што не тресе до срж – мигови, судири, хаос и хармонија во ист здив.
Затоа, ако животот е ремек – дело во создавање, зошто да не бидеме смели уметници?” – напиша Никола на своите профили од социјалните мрежи.
Креативноста на младиот струмичанец фасцинира во секој поглед а ние со нетрпение веќе го очекуваме секое наредно.
Никола, ти си повеќе од уметник. СРЕЌЕН РОДЕНДЕН !
