Во СВР Тетово вчера попладне било пријавено дека на Попова Шапка, во близина на местото викано „Церипашина“, скијач бил повреден откако бил зафатен од снежна лавина.
Како што информира полицијата, станува збор за Ф.М.Л. (24) од Данска. По добиената пријава, екипа на друштво за спортски и други услуги со специјално возило излегла на терен и околу 16:10 часот го пронашла повредениот.
По укажаната прва помош на местото на настанот, тој со амбулантно возило бил пренесен во приватна болница во Скопје за понатамошно лекување.
